افغانستان کے آنے والے الیکشن میں امریکی میڈیا کی دلچسپی سمجھ میں آنے والی بات ہے چناچہ آج کل چلتے پھرتے ریڈیو، ٹی وی پر افغانستان کے الیکشن کی خبروں پر نظر پڑجاتی ہے۔ آج این پی آر کا نمائندہ ایک افغان سیاستدان سے گفتگو کررہا تھا دلچسپ مکالمے سے ایک اقتباس قارئین کی دلچسپی کے لیے۔
افغان سیاستدان۔ جمہوریت اور مذہب ساتھ نہیں چل سکتے۔
نمائندہ۔ مثلا ایسا کیا ہے۔
افغان سیاستدان۔۔ ہمم ہمم۔۔۔۔ مثلا جمہوریت میں شراپ پینا جائز ہے لیکن اسلام میں شراب پر مکمل پابندی ہے۔ اسلیے اسلامی ملکوں خصوصاَ افغانستان میں جمہوریت اُس طرح نہیں چل سکتی۔
وہ کیا کہا کسی آزادانہ شاعر نے کہ
جمہوریت کی چڑیل میری دیوار پر بال کھولے سورہی ہے۔
فوجی سیاں آؤ۔۔ اس کو بھگاؤ۔۔ میں نہ سووں ساری رات رے۔